سأرحل و أنا سعيدة,لا يهم مدة الرحيل..لا أحد معى, لمرة واحدة "أكون"... فقط أنا وهى,أحمل فيها أشياء ,أترك لكل شئ مساحة فى براااااح شاسع.. فيها تكمن اللا نهاية... أضع كتابى المفضل و صورة لجدى و أخرى لعائلتى....موبايل و نصف قمر فى سماء شتوية غائمة, أحمل لوحة رسمتها و أنا طفلة لإنسان بأربع أرجل و أربع أيدى.. فيلم و باقة زهور حمراء و بيضاء و ضحكات صديقاتى و نكاتهم الألشة ..كل ملابسى البنيه و بعض الأبيض .. ..بعض الحلوى و الكثير من عصير التفاح.. بحر واسع هادئ و شارعنا القديم الوناس مع رائحة صباح يستعد للغرق فى مطر مستمر و أنا و أصدقائى فى سيارة على الطريق السريع,لا أحد يرانا أو يسمعنا بأعلى صوت نغنى:"بحبك شمس فى بردى تغطينى بالدفا الوردى بحبك حلم على قدى يا أغلى يا أغلى ما عندى و أدى حالى".. ورقة بيضاء كبيرة ألطخها بالأزرق و الأخضر و البنى و بعض البمبى ثم أطلق عليها لقب فن تجريدى..صوت عازف ساكس فون و فى الخلفية مشهد"فلاش باك" من فيلم"حرامية فى كى جى2" و صوت جدى الدافئ فى الصباح و هو يحضر لى الفطور مع صحيفة بجانب سريرى كأنى أميرة..مناديل و الكثير من المناديل, ساعة حائط بتوقيت الغردقة و بلكونة تطل على منظر الغروب... بطيخة..و فنجان قهوة مع بداية الفجر الأسكندرى و برج حمام وعصفورة من أفلام الكرتون تزقزق مع سندريلا جديدة ليوم واحد..صحيفة المصرى اليوم عدد رقم1341...ليلة عيد 1995 و منظر أختى بعد ما خضيتها ثلاث مرات فى دقيقة واحدة...مكالمة انتظرتها طويلا,الكثير من الثلج فوق سطح منزل يفترش بخشب و قاعدة عربى باحته.. قلم أبيض و صيف العريش2004 مع برج إفيل و الكثير من شوارع روما تحت المطر .. خاتمى المفضل.. باتيناج على أسفلت أملس و رمل شاطئ أبيض مع تانجو فى ليل أسود و قطار يعبر غابات فى جنوب أفريقيا و المزيد و المزيد من الأخضر و البنى و أوراق الشجر و هى تتساقط ... كاميرا و هواء يقابل وجهى من فوق ظهر عجلة فى شوارع مطروح.. طريق الكورنيش فى صباح جمعة و معطف بنى ثقيل أحمله على يدى بعد الرحلة و شخص أقابله مع أول بوابة يحمل منى الشنطة و لو لدقيقة و لربما نحملها معا ...فى رحلة جديدة
4 comments:
طبعا كلنا عارفين ان بطل الفيلم ده اول ما شال الشنطه اتعمي وجاله شلل اطفال وبهاق و بعدين إنصاب بطلق ناري في قلبه لكن الدم فضل يِشُروينزف من بطنه زي صلصلة الكشري وفضل يتكلم بطلاقة وتركيز لمدة خمس دقائق للي خلالهاحيقوم بفك اللغزبتاع المفتش كورومبو والاعلان عن القاتل الحقيقي او البطل يبقي ابن مين****** ...
ما شاء الله..ماشااااااء الله ولا حول ولا قوه إلا بالله
يخرب بيت اللي يزعلك يا ابنه كوبس
ده اكيد صنف "اوم اقف و انت بــــتكومني من الضرب"
طيب انا معديه جايز..لكن إنتي ياسليله محطات توليد الكهرباء مسافره
ومن ذاااااومـــان...ده انتي بعون الله "صلي علي رسول الله" غادرتي مِجَره درب الدبانه وداخله بقلب جامد علي درب الصرصار
لا حقيقي موهبه من ساعه البني ادم ابو ٤ رجلين اللي اثبتي
فيه كلام عبد الفتاح داروين عن "النشوق و التمباك" لغايه ازمه
المرور اللي عملتيها علي الطريق السريع "لآنك بتلعبي باتيناج علي الاسفلت و مطلعه لسانك لللجنه" ومش بس كده
ده إنتي ببركه دعا الوالدين "نجفه و كوبس"
نجحتي في تصدير الآزمه لجنوب افريقيا
اللي هيه "واخده بالك انتي" علي نفس الطريق السريع
بعد ما تسيبي روما و تخلي مطروح "اللي برضه علي
نفس الطريق السريع" علي يمينك و بلكونه الغردقه فوق راسك
و.... هو اوتوبيس نمره كام بيروح فين
مش مشكله ابداً انك قدرتي تحطي جدك
و الهدوم و ابله سعاد حسني وهي
بتغني بالبمبي و برج ايفل والفيلم
والورد الاحمر
والبونبون وعصير التفاح
ونص القمر بالسما بتاعته
والمناديل ..كل ده في الشنطه اللي قد الكستبان دي
بس اللي محيرني يا ابنه كوبس..ازاي قدرتي
تلاقي مكان فيها للموبايل؟؟؟؟
وسمعونا سلام ...لا سلام ايه..دي حاله ما ينفعش فيها سلام
دي اهديكي فيها "بما انك عايشه بدماغ" اغنيه تامر فهمي "نعيش"
http://abdobasha2004.googlepages.com/praghit.mp3
والله يزيدك من"الجهد" و يبعد عنك "المقاومات"
ويجعل "تيار" حبايبك "مستمر" وعدوينك "متردد"و يخلي
الخواجه جوني لما يشوفك يقول
" وات" العقل ده
قولي آمين
loooooooool walahiiiiiii entyy gamdaaaaaa akher level bgd w magnounaa akher doooor:D:D:D bad3ilik w a2olik rabna yganenek kaman w kaman:D:D:D:D w ykamelek b gnanek:):)
فيشه يا أبنه كوبس..بقي انا قاعده ادعيلك,,وادعي علي عدوينك..تقومي تطلعيني مجنونه وكمان في اخر دور... إهئ إهئ..مقهوره انا لا فولتٍ و لا واتِ...لكني قررت تخليد اسمك بقصيده ستكون إن شاء الله من المعلقات "حعلقها جنب بوستر عمر دياب علي باب اوضتي" و حاسميها "مين فينا المجنون"
مجنونه ف آخر دور بتقول وكتير وقليل
فيشه و خيالها سواح في بلاد الله
بتدور علي شئ ماهياش لاقياه
وتقولك روما و مَرسَي مشوار مش اصله طويل
بالذمه ياناس ده كلام عاقلين ولا ده كلام مساطيل
دي ف صُغْرَها راسما بني ادم بايدين واربع رجلين
عصفوره و بطيخه و اخت تِخُضَهَا بدل المره اتنين
حرامية فى كى جى2 و فلاش باك ينفع مواويل
فيشه يا أختي تخاريفك نقطه مطره في وسط السيل
ازرق واخضر واحمر ايه ده انتي يا بنتي بكل الالوان
عقل اسم الله عليه من غيرشبابيك و بيبان ولا حتى حيطان
وكلام موزون زي الفل و صباح الخير ب اليل
المشكله مش مشكلتك وحدك لكن دي تخاريف الجيل
عقله من كُتْر ما هَلْوِس اصبح مقسوم نصين
النص معايا و النص التاني وصل للصين
دلوقتي قولي لي..... مين بقي فينا المجنون يا جميل؟
وسمعونا سلام طار م الهوا عقلي و انت ما تدراشي..يا جدع!
to7faaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaa....la2 la2 dana lazem at3'arr lama enty tekteby fia she3r:D:D:D walahi ana ma2sodsh w ba3deen el gonoon da 7aga gamda sada2ini ana law atool akohd shehada tadol 3ala khalal 3aqli f dma3'y ana msh hat2akhar:D:D:D w e3tzarty liki ya 3a2la hanem gedan gedan:):)
Post a Comment