Monday

و ما الدنيا إلا مرسم كبير


تتسائل" لماذا لون السماء دائما سماوى أو أسود؟؟ و الشمس صفراء و القمر لونه فضى و البحر أزرق و الزرع أخضر و الناس ثلاث أو اربع ألوان!!! لأ,لأ,لأ"... تكره أن تكون عادية هكذا

عندما كانت صغيرة كانت تمسك بالألوان و تأخذ لوحة تلونها....السماء حمراء كالدم..الشمس رمادية قاتمة..القمر أخضر ..والبحر أسود ..الزرع أزرق...والناس بنفسجى..ينظر لها كل من يرى اللوحة بإشمئزاز : " كويسة..بس فاقعة أوى!!!!!!"...لا تفهم سر نظراتهم

فتأخذ ورقة أخرى لنفس الرسمة و تلون..سماء بيج .. شمس بمبى .. قمر ذهبى..و بحر برتقالى و زرع أصفر و أناس "تكنى كلرز"...ينظروا لها و يخمنوا:"ممم.. باربى؟؟؟؟بس مش بطالة"ء

كلما تذكرت منظر وجوههم الغير راضية ،تضحك..كانت طفلة...و مع ذلك ظلوا يحكموا على لوحتها....بالنسبة لهم الحياه لها ألوان ثابتهْ...ممنوووع الإقتراااب أو التلوين , أما هى.. فلا يهم , فلا زالت تلونها كما تحب...تقرر أن اليوم ستصبح الدنيا شفافة و فى يوم آخر كل الدنيا فسفورية لامعة, و فى الأعياد القومية تلونها بألوان العلم .. و مع ذكرى النكسة...كل شئ أبيض..أبيض ..أبيض..و فى عيد الحب..ألوان مختلفة..تتجدد و تتغير تلقاءيا ... أما فى عيد ميلادها..ربما تخترع لون جديد تلون به..لم يره أو يسمع به أحد من قبل,حتى هى.....والكثييير و الكثييير..فلن تكف عن التلوين..فبالنسبة لها ...لن ينتهى الورق و لن تجف الألوان ... فقد وجدت لترسم و تلون .. لذا ستلونها كما تشاء.. و تراها كما لونتها و عشقتها

8 comments:

لــــ زهــــــراء ــــولا said...

اول زياره وان شاء الله تتكرر
اسلوبك خفيف ولذيذ وشيق بشكل جميل
دلوقتى ممكن نلون السما بأى لون والارض والبحر والجبال
احنا اخدنا التصريح منك
تسلم الانامل

فيشة بنت كبس said...

:):):):) أشكرك بجد جدا جدا:):)... و من غير تصريح...الدنيا ملك للجميع:):):)

عـــــــــــاقله جدآ said...

إييه الغيبه الطويله دي يا بنت كوبس
وحشتينا و خوصاً إن احنا شتا و الكهربا مهمه زي مانتي عارفه:
موضوع الوان الدنيا ده سبقتك فيه أبله سعاد لما وقفت جنب تمثال اونكل عرابي وغمزت لابيه حسين وقالت له [ الحياه بقي لونها بمبي ] وطبعاً برضو تغيير الالوان وارد لان مثلا احمد افندي قال للست عايده و بعد ١٥ سنه جواز [ كان يوم اسود يوم ماعرفتك ] هذا بالاضافه لانه نص نزلاء السرايه بيشوفوها حمرا علشان كده الحكومه بالعند فيهم سميتها [السرايه الصفرا] و عامله فيها عنبر للخطرين اللي بيشوفوا الناس [بنفسجي] ربما ان صاحبتنا عندها كل المواهب دي و هي دلوقتي كبرت وما بقيتش عيله بتشخبط علي شويه ورق وعلي اعتبار ان الي فيه طبع ما يغيروش فأنا عندي اقتراح نميس

خليها تدهن وش واحده [صاحبتها] بمحلول البوزموث [ ده علي فكره هو دهان تزيين للوجه ] وبعدين تقربه من غاز ثاني أكسيد الكربون عندها سيتحول وجهها إلى الأسود وبعدين خليها تستني شويه علشان تشوف وشها هيه بيتحول إلى الأحمر نتيجة قلم معتبرمن صاحبتها

و سمعينا سلام سلامتها أم حسن م العين ومن الحسد

فيشة بنت كبس said...

llllllllllllllllllllllllooooooooooooooooooooooooooooooooooooooooooooooooooooooooooooooooooooooooooooooooollllllllllllllllllllllllllllllllllllllllllllllllllllll لأ كده ضحك جدا::D:D:D walahi ya 3a2la shakl fisha kan 3andaha swine flue..men el akher mtkhanzara w nefsaha haffa 3ala lamo2akhza zbala:D:D:D:D rabna yostor 3ala zowwar el modawena:D:D:D...ed3ili maykonsh 3andy bgd:D:D w bgd bgd enty konty wa7shani awii:)

فيشة بنت كبس said...

flu*

عـــــــــــاقله جدآ said...

الف سلامه ليكي يا إبنه كوبس
اكيد تلاقيكي نيمتي و اسلاكك عريانه فأخدتي لطشه فولط
لالالا خنازير إيه بعد الشر هو احنا بتوع الحاجات دي؟ ده انتي يا عيني كونتي بتاكلي [ المورتا ] من غير [ ديلا] و[ البورجر] من غير [هام] ييقي فين الخنازير بقي؟
لا عايزاكي تشدي حيلك كده وما تخليش ال[ إيفر ردي] تشمت فينا حاكم انا عارفاها عينها يندب فيها فيوز
من عندنا يهديكي السلام لمبه بنت جاز وسخان ابن كهربا واولادهم من الميكرو ويف كما يبعث إليك الامنيات بالشفاء العاجل سلك ابن متغطي وزوجته بريزه وكذلك في الزمالك فولط ابن عالي وزوجته مقاومه واولادهم التلاته فاز والجميع يهدونك اغنيه ليلي سهوكه

الطشت قاللي الطشت قاللي
يا حلوه ياللي بلاش تستحمي
هلشان انتي عندك برد

[ملحوظه] الف بعد الشر عليكي و بجد بجد وحشتيني!

سمـــــــــا said...

عاجبنى اوى الصور بتاعة الالوان وعاجبنى الفكرة الطفولية المطرقعة

وياستى اللى يزعلك ويعترض على الوانك ابقى ارفعيلو السكينة واعملى فى وشه قافلة

..

احب اعمل نداء آلى لعاقلة جدا واقول لها كفاية سلاماااااااااات ... :)

فيشة بنت كبس said...

looooooooool.thnxx 3a2la alot:)......looooooool ya sama:D:D:D nawarty el blog ya fandem:)